«Голоса истории» միջազգային 14-րդ թատերական փառատոն
Ռուսաստանի Դաշնության Վոլոգդայի շրջանի նահանգապետի տեղակալ Օ. Վասիլևի հրավերով Երևանի մնջախաղի պետական թատրոնը հունիսի 19-22ը որպես հատուկ հյուր մասնակցեց Ռուսաստանի Վոլոգդա քաղաքում կազմակերպված «Голоса истории» միջազգային 14-րդ թատերական փառատոնին:
Հունիսի 20-ին թատրոնը ցուցադրեց իր խաղացանկային «Արդաղիոն» ներկայացումը Վոլոգդայի պատմական Կրեմլի Կոնսիստորյան բակում:
Հունիսի 21-ին տեղի ունեցավ մամլո ասուլիս թատրոնի գեղարվեստական ղեկավար Ժիրայր Դադասյանի, տնօրեն Արամ Խոջոյանի և դերասան Մանվել Սարգսյանի մասնակցությամբ:
Թատրոնի պատվիրակության անդամները հարցազրույցներ տվեցին տարբեր հեռուստաալիքների և ռադիոալիքների, տպագրվեցին մի շարք հոդվածներ:
Ներկայացման թեման և Վոլոգդայի Կրեմլի միջավայրը շատ համահունչ էին և մեծ ազդեցություն թողեցին հանդիսատեսի վրա: Ներկա էր շուրջ 600 հանդիսատես, որոնք ներկայացման ավարտին տևական ժամանակ հոտնկայս ծափահարում էին:
Քանի որ թատրոնը փառատոնի հատուկ հյուրն էր, նահանգապետի տեղակալի կողմից ստացավ շնորհակալագիր:
Կազմակերպիչները, բարձր գնահատելով մեր ներկայացումը, առաջարկեցին հաջորդող փառատոներին մասնակցել թատրոնի մեկ այլ խաղացանկային ներկայացումով: Հետագա համագործակցության համար ձեռք են բերվել մի շարք համաձայնություններ այլ միջազգային նախագծերում ընդգրկվելու համար: Ինչպես նաև փառատոնի այլ մասնակիցների կողմից ներկայացվեցին թատրոնի կողմից կազմակերպվող Լեոնիդ Ենգիբարյանի անվան մնջախաղի միջազգաին 7-րդ փառատոնին մասնակցելու հայտեր:
Հղումներ՝
https://vk.com/@golosaistorii-erevanskii-gosudarstvennyi-teatr-pantomimy-ardalion
https://vk.com/doc320354_465778156?hash=b2da33938b072c40a0&dl=1859ef5156cd3b79d3
https://vk.com/golosaistorii?z=video-21963916_456243588%2F1291ec315bff170c84%2Fpl_post_-66780707_270
https://vk.com/golosaistorii?w=wall-66780707_277%2Fall
https://vk.com/golosaistorii?z=photo-66780707_456239212%2Falbum-66780707_253940299
https://vk.com/golosaistorii?w=wall-66780707_273%2Fall
http://vologdaregion.ru/news/2018/6/21/aktery-iz-arme..
https://www.armmuseum.ru/news-blog/2018/6/22/—3
