ՍՈՎՈՐԱԿԱՆ ՄԱՐԴԿԱՆՑ ԱՆՍՈՎՈՐ ՊԱՏՄՈՒԹՅՈՒՆՆԵՐԸ
Մոնոպիեսների ընթերցումներ ARMMONO 2022
Սամվել ԿՈՍՅԱՆ «Խաղ առանց կանոնների» — ընթերցումը՝ Սարգիս ՇՈՂՈՒՆՑԻ
Մայիսի 19-ին, ժամը 17-ին
ՀԱՄԱԶԳԱՅԻՆ թատրոնի փորձասենյակ
Բոլորն էլ ինքնահաստատման խնդիր ունեն: Պիեսի հերոսը ինքնահաստատման լավագույն միջոց է համարում փողն ու հարստությունը: Սակայն, իր կարողությունները գնահատելով, ընտրում է հարստանալու ամենաանտրամաբանական ու ամենաանհեռատես տարբերակը՝ մեկ միլիոն դոլար գտնել: Մեկ միլիոնի լուրը զարմանալի արագությամբ տարածվում և իրարանցում է առաջացնում մտերիմների ու ընկերների միջավայրում, որոնցից յուրաքանչյուրը ձգտում է միլիոնից մի բան էլ ինքը պոկել: Հերոսը շռայլ է, չի մերժում: Սկսվում է փնտրտուքի շրջանը, որն ուղեկցվում է նրա համար անսպասելի տհաճ իրադարձություններով, ինչն ստիպում է հրաժարվել սեփական մտահղացումից: Ո՞ր խելագարը միլիոն կկորցնի: Սակայն անկանխատեսելի են հիմարության հետևանքները: Որքան էլ փորձում է ընկերներին ու մտերիմներին համոզել, որ միլիոնի պատմությունը խաղ էր և ինքը հրաժարվել է խաղը շարունակել, միևնույն է, իրենց գումարները ստանալու նրանց հետապնդումները շարունակվում են: Հանգուցալուծումը… նույնքան անկանխատեսելի է…
