admin

Էմին ԹՈՐՈՍՅԱՆ Պատանի հանդիսատեսի թատրոնի տնօրեն Սիրելի ԲԱՐԵԿԱՄՆԵՐ, Ամեն անցնող տարի, երբ հաշված ժամեր են մնում դիմավորելու Նոր տարին, ակամա սկսում ենք ամփոփել ապրած ժամանակն ու… ամփոփելով ենք սկսում արժևորել և գնահատել ամեն մի ձեռքբերումն ու նվաճումը և հասկանում, որ եղել են ՄԱՐԴԻԿ, ովքեր զորակցել ու սատար են կանգնել մեզ: Ուզում եմ, այս ամփոփմանս արդյունքում, շնորհակալություն ասել բոլորին, ովքեր մեզ քաջալերեցին, վստահեցին ու հավատացին: Քանի որ դրա արդյունքում է, որ ստեղծվեցին այնպիսի գործեր, որոնք դեռ երկար տարիներ կրթելու և դաստիարակելու են մատաղ սերնդին:...

Արշակ ՍԵՄԻՐՋՅԱՆ Դրամատուրգ, Երևանյան գրքի 3-րդ փառատոնի դափնեկիր Ճանապարհում ենք ևս մեկ տարի, որը դառնալով պատմություն, անջնջելի հետք է թողնելու: Տարին լի էր բարգավաճումներով, հաջողություններով, և, ցավոք սրտի, նաև անդառնալի կորուստներով: Թող որ պատմություն դարձող խոզի տարում մնան բոլոր խոզավարի մարդկային հարաբերություններն ու շփումները և գալիք տարում լինեն ավելի պարզ ու շիտակ, ողողվելով լույսով ու ջերմությամբ: Որքան էլ 2020 թվականի առնետը (ես ծնվել եմ առնետի տարում), իր սովորության համաձայն, փորձի շեղել մարդկանց անկեղծ շփումից, տա Աստված, որ մեզանից յուրաքանչյուրը վերջապես գիտակցի հարազատների ու...

Խաչիկ ՉԱԼԻԿՅԱՆ Բեմադրիչ, դրամատուրգ Տարեմուտ… Հրաշալի առիթ Շնորհավորանքի, ինչն արդեն իսկ մեծ, գեղեցիկ ակնկալիքի խորհուրդն ունի։ Չեմ կարող անկեղծ չլինել. բոլորին չեմ շնորհավորում… Շնորհավորում եմ բոլոր Անտիգոնեներին ու Համլետներին, Անուշներին ու Ջուլիետներին, բոլոր Դոն Կիխոտներին… Բոլոր նրանց, ում հարաբերությունները մուսաների հետ ազնիվ են, անշահախնդիր… Թող ձեր ազնիվ մղումները վերջապես հաղթանակեն։ Իսկ բոլորիս մաղթում եմ, որ նոր տարին իրոք Նոր տարի լինի, որ վերջապես արթնանանք մեր իրական երկրում, իրական ինքնությամբ, ոգևորված մեր և աշխարհի հանդեպ մեծ գերխնդիրներով… Բարին ու Արեգակն արդար ընդ մեզ…

Մարիամ ՂԱԶԱՆՉՅԱՆ Դերասանուհի Սիրելի թատրոնի նվիրյալներ, շնորհավորում եմ բոլորիդ Ամանորը: Թող 2020-ը է՛լ ավելի հետաքրքիր տարի լինի ձեզ համար: Թող բոլոր թատրոնները համալրվեն նոր, հետաքրքիր դերասաններով և ներկայացումներով… Լինեն ձեռքբերումնե՛ր: Հ.Գ. Ու քանի դեռ կա թատրոնը՝ կա հո՛ւյս, հավա՛տ, սե՛ր: Սիրելի թատրոնի նվիրյալներ,շնորհավորում եմ բոլորիդ գալիք ամանորը: Թող 2020-ը էլ ավելի հետաքրքիր տարի լինի ձեզ համար: Թող բոլոր թատրոնները համալրվեն նոր հետաքրքիր դերասաններով և ներկայացումներով… լինեն ձեռքբերումներ! Հ.Գ. ու քանի դեռ կա թատրոնը կա հույս,հավատ սեր!

Գևորգ ՍԱՐԳՍՅԱՆ Դրամատուրգ Հայ մշակույթի սիրելի նվիրյալներ, շնորհավորում եմ Ձեր Ամանորն ու Սուրբ Ծնունդը: Մաղթում եմ, որ նոր տարում ավելի գունեղ լինեն ձեր վրձինները, ավելի հոգեպարար՝ ձեր մեղեդիները, ավելի բարձրարվեստ՝ ձեր ներկայացումները, ավելի խորիմաստ՝ ձեր գրքերի յուրաքանչյուր տողը, ավելի ոգեշունչ՝ ձեր պարերը, ավելի հիասքանչ՝ ձեր կառուցած շենքերն ու քանդակները, որպեսզի հայ մարդն այսօր տեսնի ու լսի ձեզ և վաղը լինի ավելի հայրենասեր ու մարդասեր, քան այսօր է, և լինի նույնքան մեծագործ, որքան եղել են մեր պատմիչներն ու քերականները:

Արմեն ՍԱՆԹՐՈՍՅԱՆ ՀՀ ժողովրդական արտիստ Սիրելի կոլեգաներ. Անցավ ևս մեկ տարի: 2019 թվականին մեզանից ոմանց գլխավոր դերեր վստահվեցին, ոմանք հանդես եկան երկրորդական դերերով, ոմանք տարին բոլոր ոչ մի խոսք չասացին բեմից: Բան չկա, դերասանի կարգը էդ է, ինչպես կասեր մեր փոքրիկ Գիքորի իմաստուն հայրիկը՝ «օրեր են, կմթնեն, անց կկենան»: Այս նոր տարում ուզում եմ հիշատակել հայտնի օրհնությունը՝ «Մեր ոտքը մեր բեմերից անպակաս լինի», շարունակենք ոսկե շղթաներով կապված մնալ մեր սիրելի թատրոններին, որոնց տվել ենք մի ամբողջ կյանք: Ապացուցվածը մեկ անգամ ևս ապացուցելու կարիք...

Անահիտ ՔՈՉԱՐՅԱՆ ՀՀ ժողովրդական արտիստ Շնորհավորում եմ իմ բոլոր գործընկերներին, թատրոնի բոլոր մարդկանց, իմ սիրելի խաղընկերներին և շատ-շատ սիրելի ու հավատարիմ հանդիսատեսին։ Թող 2020 թվականը հայ թատրոնի համար լինի ստեղծագործական նորանոր նվաճումների ու հաղթանակների տարի։ Թող գալիք տարում թատրոններում լեփ-լեցուն դահլիճներն ու բուռն ծափահարությունները երբեք չպակասեն։ Թող թատրոնի դռները նոր շնչով ու նոր ոգով բացվեն թատերասեր հասարակության առջև։ Շնորհավոր Ամանոր և Սուրբ Ծնունդ։

  Աշոտ ՍԱՐԳՍՅԱՆ Հրազդանի քաղաքային թատրոնի գեղարվեստական ղեկավար և տնօրեն Ամենամեծ ուրախությունն անցած տարում թատրոնի ջեռուցումն էր: Քսանութ տարի անընդմեջ թատրոնը չէր ջեռուցվում: Խոստանում են ավելացնել հաստիքների քանակը: Պատկերացնո՞ւմ եք, վաթսունվեց տարվա թատրոնը պաշտոնապես գույք չունի. եղած գույքը և տեխնիկան պատկանում են մասնավորի: Այս տարիների ընթացքում ստեղծվել է մոտ 5000 կտորից բաղկացած հանդերձարան, ռեկվիզիտանոց: Մաշվել է լուսավորման և ձայնագրման տեխնիկան, բեմի հանդերձանքը: Թատրոնի տեխնիկական և սանիտարա-հիգիենիկ հարցերը լուծվում են թատրոնի սեղմ անձնակազմի ջանքերի շնորհիվ: Անցած տարիների ընթացքում հաշված ներկայացումներ են ֆինանսավորվել, իսկ վերջին...

Տիգրան ԳԱԲՈՅԱՆ ՀՀ վաստակավոր արտիստ Սիրելի՛ գործընկերներ, թատրոն սիրող ու չսիրող հայրենակիցնե՛ր, սրտանց շնորհավորում եմ Ձեզ գալիք տոների առթիվ։ Տարվա այս ամենագեղեցիկ ու հեքիաթային շրջանում սրտանց մաղթում եմ ձեզ միշտ վառ պահել հոգու լույսը և հավատը՝ պայծառ ու լուսավոր ապագայի նկատմամբ։ Թող նոր տարին լինի լի՝ նոր նվաճումներով և յուրաքանչյուրի սիրտը լցնի դրական ու լավատեսական զգացումներով, և այն հարցին, թե՝ «Ինչպե՞ս եք», թող միշտ հնչի՝ «Լավ, մի՛շտ լավ»։