admin

  ՄԱՄՈՒԼԻ ՀԱՂՈՐԴԱԳՐՈՒԹՅՈՒՆ ՀՀ ԿԳՄՍ նախարարության աջակցությամբ կազմակերպվող «ՀԱՅ ՖԵՍՏ» միջազգային թատերական փառատոնն այս տարի կկայանա հոկտեմբերի 1-ից 8-ը: 17-րդ «ՀԱՅ ՖԵՍՏ»-ը կրում է “The meaning is now”/ «Իմաստը ներկայում է» խորագիրը: 2019 թ. ԵՓԱ-ն (Եվրոպական Փառատոների Ասոցիացիա), թվով 715 եվրոպական փառատոներից, «ՀԱՅ ՖԵՍՏ» Միջազգային Թատերական Փառատոնը ընտրել և ընդգրկել է 24 լավագույնների ցանկում: Այս տարի «ՀԱՅ ՖԵՍՏ»-ը կհյուրընկալի 24 երկրից ժամանած ավելի քան 300 մասնակիցների և հյուրերի, նրանց թվում՝ հեղինակավոր արվեստագետների, արտմենեջերների, միջազգային փառատոնի նախագահների Իսպանիայից, Գերմանիայից, ԱՄՆ-ից, Շվեդիայից, Շվեյցարիայից, Հարավային Կորեայից,...

Թումանյանի 150-ամյակի կապակցությամբ մեծ լոռեցուն շատ են հիշել: Համազգային թատրոնի անդրադարձը թերևս այս տրամաբանության մեջ է, ընտրությունն էլ՝ բավական խնդրահարույց. պոեմն ունի ընդամենը մեկ հերոս, նա էլ մի քանի բառ է ասում: Պոեմը բանաստեղծական ձևի մեջ դրված պատմություն է, իսկ թատրոնը հենց հիմա կատարվող գործողություն և հարաբերություն է ենթադրում, ինչպե՞ս պատմությունը գործ կդառնա: Համազգայինի հանդիսատեսի ուշադրությունը նախ կլանում է անընդհատ գործողությունը: Չկարծեք, թե խոսքը վազվզոցի և հրմշտոցի մասին է: Գործողությունն այստեղ վիճակների և դրանց հանգուցալուծումների մեջ է: Ներկայացման մեկնարկը պարզ է՝ կենտրոնում կանգնած...

Սամվել Կոսյանի «Կյանքը վանդակի կողքով» պիեսով ազդարարվեց Գյումրու Վ. Աճեմյանի անվան պետական դրամատիկական թատրոնի 154-րդ թատերաշրջանի` «Թռիչքը»։ Թատերական տոն էր Գյումրու թատրոնում։ Թատրոնն իր հանդիսատեսին հյուրնկալեց նոր վերանորոգված դահլիճում։ ՉԻԿ – Ինչո՞ւ… Ինչո՞ւ չես ուզում փորձել: ՊՈՉԵԿ – Որովհետև մեջս թռիչք չկա: ՉԻԿ -Կլինի: Իմ մեջ էլ չկար: ՊՈՉԵԿ – Դու ուրիշ ես… Իսկ իմ մեջ չկա, իմ մեջ թռչելու միտքն էլ չկա: ՉԻԿ – Բայց բնությունը մեզ թռչելու համար է ստեղծել: ՊՈՉԵԿ – Գուցե, բայց մենք կորցրել ենք մեր նշանակությունը: ՉԻԿ –...

Կյանքի 61-րդ տարում այնպե՛ս անսպասելի, անհավատալի մեզանից հեռացավ թատերագետ Նվարդ Ասատրյանը: Մեր Նվարդը… Թատրոնի նվիրյալ Նվարդը… Կյանքի վերջին գիշերն է գրվել այս անդրադարձը, Վանաձորի Հովհ. Աբելյանի անվան պետական թատրոնի «Անուշ» ներկայացման պրեմիերայից հետ… Ձեռագիր է, որոշ բառեր չհաջողվեց վերծանել, իհարկե, եթե ինքը տպագրելու լիներ` տեքստը կխմբագրեր մինչև գոհանալու ի՛ր աստիճանը… Համարձակություն ունեցա վերծանել նրա գիրը և տպագրել, որովհետև սա միայն տեքստ չէ, այլ նրա անմնացորդ սիրո ու նվիրվածության խոստովանությունը Թատրոնին: Վերջի՛ն խոստովանությունը… Կարինե ԽՈԴԻԿՅԱՆ ԱՆՎԵՐՆԱԳԻՐ… Ալիքվող, ծխածածկույթի եռանկյունի լուսարձակումներով կենտրոնում գետնատարած գլորվող փերին...

Սեպտեմբերի 16–ից 23–ը Գավառի Լևոն Քալանթարի անվան դրամատիկական նորակառույց թատրոնում անցկացվեց «Թատերական Գավառ» փառատոնը, որի նախաձեռնողն ու կազմակերպիչն է Հայաստանի թատերական գործիչների միությունը: Փառատոնի ծրագիրը, որը նույնպես կազմել է ՀԹԳՄ-ը, ազգային դրամատուրգիայի վրա է հենված և իր արդիականությամբ հանդիսատեսի հետ անմիջական, սրտալի թատերական երկխոսության հրաշալի ապացույց դարձավ: Արցախյան ազատամարտի թեման փառատոնի բացման ու փակման հայտագիրն էր. Ս. Սարգսյանի անվան «Համազգային»  թատրոն, «Հաղթանակի գենեզիս» (հեղ.՝ Սառա Նալբանդյան, բեմադրությունը՝ Նարինե Գրիգորյանի): Գ. Սունդուկյանի անվան Ազգային թատրոն, «Արծվաբույն» (հեղ.՝ Հրաչ Բեգլարյան, բեմադրությունը՝ Դավիթ Հարությունյանի): Ներկայացվեցին նաև՝...

Վանաձորի Հովհաննես Աբելյանի անվան պետական դրամատիկական թատրոնի 88-րդ թատերաշրջանը բացվեց Հովհաննես Թումանյանի 150-ամյա հոբելյանին նվիրված Աբելյանական փառատոնով, որի մեկնարկը տրվեց «Անուշ» ներկայացման պրեմիերայով: Բեմադրության ռեժիսոր՝ Վահե ՇԱՀՎԵՐԴՅԱՆ Բեմանկարչությունը՝ Կարեն ԳՐԻԳՈՐՅԱՆ    

Հայաստանի թատերական գործիչների միությունը տեղեկացնում է՝ կյանքից հեռացել է թատերագետ, ՀԹԳՄ միության անդամ Նվարդ Ասատրյանը։ Նվարդ Ասատրյանը բազմիցս ընդրգկվել է “Արտավազդ” ամենամյա թատերական մրցանակաբաշխության, “Թատերական Լոռի” եւ մի շարք այլ փառատոնների մասնագիտական հանձնախմբերի կազմում։ Եղել է “Թատրոն” պաշտոնաթերթի պատասխանատու քարտուղարը։ Խմբագրել է մի քանի տարաբնույթ թատերական ժողովածուներ։ Աշխատել է հայաստանյան մի շարք թերթերում, տարբեր տարիներին լավագույն լուսաբանման համար արժանացել է բազմաթիվ պատվոգրերի եւ շնորհակալագրերի։ 2014թ-ին արժանացել է մշակույթի նախարարության պատվոգրին, պարգեւատրվել Նարեկացի հուշամեդալով եւ ՀԹԳՄ ոսկե մեդալով։

  (Բեմարկում՝ նվիրված Մհեր Մկրտչյանի 90-ամյակին)   Գործող անձինք ՄՀԵՐ ՄԿՐՏՉՅԱՆ ՖՐՈՒՆԶԻԿ –Մհերի պատանեկությունը ԳԱՆԳՐԱՀԵՐ ՄԱՆՈՒԿ — 5-6 տարեկան Բուժաշխատողներ Պաղտասար աղբարի, Իշխանի, Մուշեղի, Նիկոլի, Հացթուխի կերպարները մարմնավորում է Մհեր Մկրտչյանի դերակատարը, ուստի, նրանց երկխոսության ժամանակ, մահճում պառկած Մհերի ձայնը ձայնագրությամբ պետք է հնչի: Ֆիլմերից ներկայացվող հատվածները՝ բեմադրիչի հայեցողությամբ:   Ներկայացումը հոգեվարքի վերջին պահն ապրող հերոսի երևակայության արդյունքն է: Երևակայական է նաև տեղավայրը, ձախում՝ դերասանի դիմահարդարման սենյակն է, աջակողմում՝ վերակենդանացման հիվանդասենյակը: Դրանք միմյանցից անջրպետված չեն և հառնում են որպես մեկ ընդհանուր տարածք: Ետնավարագույրը...